ម៉ាក់ៗគួរដឹង! វិធីថែទាំខ្លួនកុំឲ្យឈឺធ្ងន់នៅពេលកើតជំងឺផ្តាសាយ

0

ផ្តាសាយ គឺជាជំងឺទូទៅមួយប្រភេទដែលអាចកើតមានចំពោះមនុស្សគ្រប់វ័យ វាអាចធ្វើឲ្យអ្នកក្តៅខ្លួន ឈឺក្បាល វិលមុខ គ្មានកម្លាំងកំហែង កណ្តាស់​ ឬហៀរសំបោរជាដើម។ ទោះជាយ៉ាងណា ប្រសិនបើជំងឺនេះកើតចំពោះស្ត្រីតាំងគភ៌វិញ វាមិនល្អចំពោះកូននោះឡើយ ជាពិសេសបើអ្នកប្រើប្រាស់ថ្នាំគ្មានវេជ្ជបញ្ចេញត្រឹមត្រូវ អាចបណ្តោលឲ្យកូនរលូតបាន។

ដូច្នេះ ដើម្បីថែរក្សាខ្លួនឲ្យឆាប់ជាសះស្បើយ ហើយមានសុវត្ថិភាពចំពោះកូន អ្នកម្តាយគួរអនុវត្តតាមវិធីនេះ៖

១.ទៅជួបគ្រូពេទ្យ ដើម្បីទទួលថ្នាំដែលត្រឹមត្រូវ ជៀសវាងផលប៉ះពាល់ដល់កូនក្នុងផ្ទៃ។

២.សម្រាកឲ្យបានច្រើន ព្រោះជំងឺនេះច្រើនតែធ្វើឲ្យអ្នកវិលមុខ ឈឺក្បាល និងហៀរសំបោរ។

៣.ផឹកទឹកឲ្យបានញឹកញាប់ យ៉ាងហោចណាស់ ៦ទៅ ៨កែវក្នុងមួយថ្ងៃ។

៤.ប្រើឧបករណ៍ចំហុយ ដើម្បីកាត់បន្ថយការតឹងច្រមុះ។

៥.ចាក់វ៉ាក់សាំងបន្ទាប់ពីការសម្រាលកូនបានរយៈពេល ៦ខែ។

ការថែទាំខ្លួនបានត្រឹមត្រូវក្នុងអំឡុងពេលកើតជំងឺផ្តាសាយ នឹងជួយឲ្យអ្នកចាកឆ្ងាយពីបញ្ហាសុខភាពធ្ងន់ធ្ងរ ហើយកូនក្នុងផ្ទៃក៏មានសុវត្ថិភាពផងដែរ៕