ការពិតបច្ចុប្បន្ននេះស្ត្រីភាគច្រើនសម្រេចិត្តធ្វើជាម្តាយរបស់គេនៅវ័យចំណាស់បន្តិច ដោយសារតែមូលហេតុជាច្រើន ដូចជាការជ្រើសរើសគោដៅអាជីព ការអប់រំ បញ្ហាហិរញ្ញវត្ថុ ឬមិនទាន់ដល់គូជាដើម។ ប៉ុន្តែការយកកូននៅអាយុលើស ៣៥ឆ្នាំ មានហានិភ័យខ្ពស់ចំពោះផលវិបាកផ្នែកវេជ្ជសាស្ត្រជាងស្ត្រីវ័យក្មេង ទាំងអំឡុងពេលមានផ្ទៃពោះ និងពេលសម្រាល។
ស្ត្រីដែលមានផ្ទៃពោះនៅអាយុលើស ៣៥ឆ្នាំ អាចមានហានិភ័យខ្ពស់ក្នុងការវិវត្តទៅរកជំងឺលើសឈាម ទឹកនោមផ្អែម ឬមានបញ្ហាជាមួយនឹងសុក។
តើត្រូវធ្វើដូចម្តេចដើម្បីជៀសផុតពីបញ្ហាទាំងអស់នេះ សម្រាប់ស្ត្រីមានផ្ទៃពោះនៅអាយុលើស ៣៥ឆ្នាំ?
ការថែរក្សាខ្លួនឲ្យបានល្អមុនពេលមានផ្ទៃពោះ ស្វែងរកការអប់រំពីការមានផ្ទៃពោះ ញ៉ាំអាហារដែលមានផាសុខភាព និងធ្វើលំហាត់ប្រាណជាទៀងទាត់។ ម្យ៉ាងទៀត ការធ្វើតេស្តររកមើលជំងឺទឹកនោមផ្អែមអំឡុងពេលមានផ្ទៃពោះ ក៏អាចជួយទប់ស្តាត់បញ្ហាដែលកើតមានចំពោះស្ត្រីមានកូននៅវ័យនេះផងដែរ៕
