អាហារដើរតួនាទីសំខាន់ណាស់ក្នុងអំឡុងពេលមានផ្ទៃពោះ ព្រោះដំណាក់កាលនេះរាងកាយអ្នកម្តាយត្រូវការសារធាតុចិញ្ចឹមបន្ថែមសម្រាប់ជំរុញដល់ការលូតលាស់ និងការអភិវឌ្ឍរបស់ទារក។ ទោះជាយ៉ាងណា អ្នកម្តាយក៏គួរតែមានការប្រុងប្រយ័ត្នចំពោះអាហារមួយចំនួនផងដែរ ព្រោះវាអាចនាំទុក្ខទោសទាំងខ្លួនឯង និងកូនក្នុងផ្ទៃ។
១.ត្រីដែលមានផ្ទុកជាតិបារ៉តខ្ពស់ ដូចជាត្រី swordfish និង tilefish ព្រោះវាអាចរារាំងដំណើរការអភិវឌ្ឍនៃខួរក្បាល និងប្រព័ន្ធសរសៃប្រសាទខួរក្បាលរបស់ទារក។
២.ទឹកដោះគោឆៅ ឬទឹកដោះគោគ្មានជាតិបំប៉ន ព្រោះវាអាចបង្កើនហានិភ័យនៃការពុល ដោយសារពពួកប៉ារ៉ាស៊ីត ឬបាក់តេតីដែលមាននៅក្នុងទឹកដោះគោទាំងនោះ។
៣.ជាតិកាហ្វេអ៊ីន វាអាចបង្កើនហានិភ័យធ្វើឲ្យទារកស្រាលខ្វះទម្ងន់។
៤.ល្ហុងខ្ចី មានផ្ទុកជាតិជ័រដែលអាចបណ្តោលឲ្យប្រតិកម្មអាឡែកស៊ី ធ្វើឲ្យភ្នាសការពារទារកក្នុងផ្ទៃមានភាពចុះខ្សោយ និងអាចរលូតបាន។
៥.ស៊ុតឆៅ ព្រោះវាអាចបង្កើនហានិភ័យនៃការឆ្លងមេរោគ Salmonella (ការឆ្លងមេរោគក្នុងពោះវៀន)។
៦.អាហារមានផ្ទុកកាឡូរីចាប់ពី ៤៥០ ទៅ ៥០០កាឡូរី អាចបង្កឲ្យមានផលវិបាកជាច្រើនដោយសារតែវាធ្វើឲ្យអ្នកម្តាយឡើងទម្ងនន់លើស។
៧.សណ្តែកបណ្តុះឆៅ អាចបង្កើនឱកាសនៃការឆ្លងមេរោគពោះវៀន ដោយសារតែវត្តមានរបស់បាក់តេរី salmonella។
យកល្អ អ្នកម្តាយគួរតែប្រឹក្សាជាមួយគ្រូពេទ្យអំពីអាហារដែលគួរជ្រើសរើសមកទទួលទាន ដើម្បីខ្លួនឯង និងកូនមានសុខភាពល្អ៕
