ប្រយ័ត្ន​ផង​ម៉ាក់! ពេល​ទម្ងន់​អា​អូន​កុំ​ប​ណ្តោ​ល​ខ្លួន​ឲ្យ​លើស​ទម្ងន់​ច្រើនពេក

0

ក្នុងអំឡុងពេល​មាន​ផ្ទៃពោះ ស្ត្រី​ត្រូវ​ទទួលទាន​ច្រើនជាង​ធម្មតា​រហូតដល់​គុណ​នឹង​ពីរ​ក៏មានដែរ ដើម្បី​បំពេញតម្រូវការ​មនុស្ស​ពីរ​នាក់ គឺ​អ្នក​ម៉ាក់​ខ្លួនឯង និង​អា​អូន​ក្នុង​ផ្ទៃ។

តែ​ទោះជា​យ៉ាងណា​អ្នក​ម៉ាក់​ពុំគួរ​ប​ណ្តោ​ល​ខ្លួន​ឲ្យ​ធាត់​ជ្រុល​ដោយសារតែ​ការហូបចុក​តាម​ការស្រេកឃ្លាន​នោះទេ ព្រោះ​វា​អាច​បង្ក​ឲ្យ​មាន​បញ្ហា​មួយចំនួន​កើតឡើង។ វេជ្ជបណ្ឌិត Montanat Rojanasrirat នាយក​ផ្នែក​វេជ្ជសាស្ត្រ​នៃ​គ្លីនិក  Chiromed United បានផ្តល់​ដំបូន្មាន​ថា ការផ្លាស់ប្តូរ​រចនាសម្ព័ន្ធ​រាងកាយ​ចាប់តាំងពី​មាន​ផ្ទៃពោះ ស្ថានភាព​ទម្ងន់​នឹង​កើនឡើង អាច​នាំ​ឲ្យ​មាន​ជំងឺ​ដូចជា ជំងឺ​រលាក​ឆ្អឹង និង​ឈឺសន្លាក់​ឆ្អឹង​កង​ខ្នង។ ដូច្នេះ​ទម្ងន់​ដែល​អ្នក​ម៉ាក់​គួរ​ឡើង​អំឡុងពេល​ទម្ងន់ គឺ​នៅ​ចន្លោះ​ពី ៩ទៅ១៣គីឡូ​នៃ​ម៉ាស់​ស​ន្ទ​ទស្សន៍​រាងកាយ។ បើ​លើសពីនេះ​វា​នឹង​ប៉ះពាល់​ដល់​ការ​បង្វិល​អ័ក្ស​ឆ្អឹង​អាង​ត្រគាក រហូត​ទាល់តែ​មានការ​ផ្លាស់ប្តូរ​មួយ​កើតឡើង​នៅ​ផ្នែក​ខាងលើ​ជំនួស​ខ្នង​ផ្នែក​ខាងក្រោម ដែល​ត្រូវបាន​គេ​ចាត់ទុកថា មិនធម្មតា។ ការផ្លាស់ប្តូរ​រចនាសម្ព័ន្ធ​នៃ​រាងកាយ​នឹង​ប​ណ្តោ​ល​ឲ្យ​សាច់ដុំ​ដែល​ទ្រទ្រង់​ផ្នែក​ខាងក្រោយ​រង​ឥទ្ធិពល​អាក្រក់​ដូចជា អតុល្យភាព​សាច់ដុំ សាច់ដុំ​ខ្លះ​ធ្វើការ​ច្រើន​លើស​កម្រិត ហើយ​ប្រសិនបើ​មាន​ស្ថានភាព​បែបនេះ​ញឹកញាប់​នាំ​ឲ្យ​បាត់បង់​ស្ថេរភាព និង​ការឈឺ​ឆ្អឹងខ្នង​កើតឡើង។

សូមបញ្ជាក់​ផងដែរ​ថា ការឡើង​ទម្ងន់​ជ្រុល អាចធ្វើ​ឲ្យ​ស្ត្រី​ខ្លះ​ធាត់​រូ​ហូត​ខូច​រាង មិនអាច​សម្រក​ឲ្យ​ដូចដើម​វិញ​បានទេ​ក្រោយពេល​សម្រាល​រួច៕