គុណប្រយោជន៍ដែលម៉ាក់ៗមួយចំនួនមិនទាន់ដឹង នៃការធ្វើលំហាត់ប្រាណពេលពពោះ

0

ប្រសិនបើអ្នកធ្លាប់ធ្វើលំហាត់ប្រាណមុនពេលពពោះ អ្នកជំនាញបានផ្តល់អនុសាសន៍ឲ្យធ្វើបន្តទៀត ប្រសិនបើការពពោះរបស់អ្នក មានសុខភាពល្អ និងគ្មានផលវិបាកអ្វីទេនោះ។ ប៉ុន្តែត្រូវពិគ្រោះជាមួយអ្នកជំនាញជាមុនសិន ដើម្បីដឹងថាលំហាត់ប្រាណប្រភេទណាដែលគគួរធ្វើ ឬមិនគួរធ្វើ។

ខាងក្រោមនេះ គឺអត្ថប្រយោជន៍ជាច្រើនដែលអ្នកម្តាយ ព្រមទាំងកូននៅក្នុងផ្ទៃនឹងទទួលបាន ប្រសិនបើអ្នកព្យាយាមធ្វើវាជាទៀងទាត់។

១.ជួយគ្រប់គ្រងសម្ពាធឈាម និងការពារប្រឆាំងជំងឺទឹកនោមផ្អែម។

២.ការសិក្សាថ្មីៗនេះបានបង្ហាញថា បេះដូងរបស់អ្នកម្តាយដែលធ្វើលំហាត់ប្រាណ មានសុខភាពល្អជាងបេះដូងអ្នកម្តាយដែលមិនហាត់ប្រាណ។

៣.អាចជួយគ្រប់គ្រងទម្ងន់បានល្អ។

៤.ការពារជំងឺពុកឆ្អឹង។

៥.បង្កើនថាមពលរាងកាយ។

៦.បង្កើនការស្រូបយកអុកស៊ីសែនកាន់តែប្រសើរឡើង។

៧.ជួយបញ្ជៀសបញ្ហាត្បៀតសរសៃឈាម និងធ្វើឲ្យឈាមរត់បានល្អ។

៨.ធ្វើឲ្យប្រសើរឡើងនូវប្រព័ន្ធរំលាយអាហារ និងកាត់បន្ថយការទល់លាមក។

ការណែនាំក្នុងការធ្វើលំហាត់ប្រាណសម្រាប់ស្ត្រីពពោះ៖

  • ការរត់យឺតៗ ដើរ ជិះកង់ រាំ ហាត់យូហ្គា ក្នុងកម្រិតមធ្យម។
  • រក្សាទម្លាប់ធ្វើលំហាត់ប្រាណម្តង ២០ទៅ ៤០នាទី ហើយក្នុងមួយសប្តាហ៍ ៣ទៅ៥ដង។
  • សម្លៀកបំពាក់ និងស្បែកជើងត្រូវរៀបចំឲ្យបានសមរម្យ និងមានផាសុខភាព។
  • ព្យាយាមធ្វើលំហាត់ប្រាណលើផ្ទៃរាបស្មើដែលមិនរអិល។
  • ផឹកទឹកឲ្យបានគ្រប់គ្រាន់អំឡុងពេលធ្វើលំហាត់ប្រាណ ដើម្បីរក្សាជាតិទឹកក្នុងរាងកាយមិនឲ្យបាត់បង់។

ទោះជាយ៉ាងណាអ្នកកុំព្យាយាមធ្វើលំហាត់ប្រាណហួសកម្លាំង ឬយូរៗពេក ជាពិសេសលំហាត់ប្រាណណាដែលអាចបង្កគ្រោះថ្នាក់ត្រូវតែជៀសវាង៕