ការទទួលទានអាហារបានគ្រប់គ្រាន់ពិតជាមានសារៈសំខាន់ខ្លាំងណាស់សម្រាប់ស្ត្រីមានផ្ទៃពោះ ក៏ប៉ុន្តែអាហារមួយចំនួនអាចមានផលអវិជ្ជមានចំពោះទារកក្នុងផ្ទៃ។ បើយោងតាមក្រុមអ្នកជំនាញបានបង្ហាញថា អាហារខ្លះថ្វើបើផ្តល់សារធាតុចិញ្ចឹមគ្រប់គ្រាន់សម្រាប់ទារកក្នុងផ្ទៃក៏ពិតមែន ប៉ុន្តែប្រសិនបើអ្នកចម្អិនមិនបានឆ្អិនល្អនោះទេ អាចមានផលប៉ះពាល់ធ្ងន់ធ្ងរ។
១.ស៊ុតឆៅ
ស៊ុត ជាអាហារដែលមានផ្ទុកប្រូតេអ៊ីន វីតាមីន និងសារធាតុរ៉ែសំខាន់ៗជាច្រើនទៀត។ ប៉ុន្តែអំឡុងពេលមានផ្ទៃពោះ ស្ត្រីមិនត្រូវទទួលទាំងឆៅ ឬនៅជ័រព្នៅឡើយ ព្រោះវាមានផ្ទុកមេរោគម្យ៉ាងដែលគេហៅថា Salmonella អាចបង្កឲ្យមានជំងឺរាគរូស ឬមានបញ្ហាផ្សេងៗកើតឡើង។ ម្យ៉ាងវិញទៀត មេរោគប្រភេទនេះ អាចរស់នៅក្នុងស៊ុតដែលគេទុកចោលយូរ ទោះរក្សាទុកក្នុងទឹកកកក៏ដោយ។
២.សាច់ឆៅ
សាច់ឆៅ ឬសាច់ដែលចម្អិនមិនបានឆ្អិនល្អ ស្ត្រីមានផ្ទៃពោះមិនត្រូវទទួលទានឡើយ ព្រោះវាមានផ្ទុកបាក់តេរី និងប៉ារ៉ាស៊ីតផ្សេងៗជាច្រើន ដែលអាចបង្កគ្រោះថ្នាក់ដល់ទារកកំពុងតែលូតលាស់។ ដូច្នេះ អ្នកគួរតែធ្វើការចម្អិនសាច់ឲ្យនៅក្រោមសីតុណ្ហភាពយ៉ាងហោចណាស់១៤៥ ទភ២៦៥អង្សាសេ ដើម្បីសម្លាប់មេរោគទាំងនោះ។
៣.ប្រភេទសាច់កែច្នៃ
សាច់កែច្នៃដូចជា សាច់ក្រកហតដក ឬប្រហិត… មានផ្ទុកបាក់តេរី Listeria កម្រិតណាស់ ហើយវាអាចរស់នៅក្នុងសីតុណ្ហភាពត្រជាក់បាន។ អ្នកជំនាញបានឲ្យដឹងថា មនុស្សពេញវ័យដែលមានសុខភាពល្អមិនមានបញ្ហានោះទេ ប៉ុន្តែចំពោះស្ត្រីមានផ្ទៃពោះវិញ អាចមានគ្រោះថ្នាក់៕
