ការស្រាវជ្រាវថ្មីមួយបានរកឃើញថា ជំងឺហឺត បានបង្កើនហានិភ័យនៃផលវិបាកទាំងក្នុងអំឡុងពេលមានផ្ទៃពោះ ទាំងពេលសម្រាលកូន ជាពិសេសកូនកើតមកមិនគ្រប់គីឡូ។ ជំងឺហឺត ជាទូទៅអាចបណ្តោលឲ្យរលាកសួតរ៉ាំរ៉ៃ ក្អក និងពិបាកដកង្ហើម។ មិនតែប៉ុណ្ណោះ វាអាចប៉ះពាល់ដល់ស្ត្រីមានផ្ទៃពោះ ៨ទៅ១០ភាគរយនៅក្នុងប្រទេសស៊ុយអែត។
ការសិក្សាទៅលើស្ត្រីជាង ១លាននាក់ក្នុងនោះមាន ៧០០,០០០នាក់ដែលពពោះក្នុងចន្លោះឆ្នាំ ២០០១ និង ២០១៣ បានរកឃើញថា ទារកដែលកើតចេញពីពោះម្តាយកើតជំងឺហឺតមាន ១០ភាគរយ នេះបើយោងតាមអនុសាសន៍របស់លោកវេជ្ជបណ្ឌិត Gustaf Rejno ដែលជាអ្នកជំនាញនៅប្រចាំវិទ្យាស្ថាន Karolinska។ លើសពីនេះ ស្ត្រីដែលមានជំងឺហឺត អាចប្រឈមនឹងហានិភ័យនៃការសម្រាលកូនមិនគ្រប់គីឡូ ពិបាកសម្រាល ឬសម្រាលមុនពេលកំណត់។
ការស្រាវជ្រាវបានបង្ហាញទៀតថា កត្តាតំណពូជ ឬកត្តាបរិស្ថាន ក៏អាចប្រឈមនឹងហានិភ័យកូនកើតមិនគ្រប់គីឡូ និងពិបាកសម្រាលដែរ។ ដូច្នេះ ប្រសិនបើអ្នកកើតមានជំងឺហឺតក្នុងពេលមានផ្ទៃពោះ គួរព្យាយាមកាត់បន្ថយបញ្ហាស្ត្រេស ដើម្បីកុំឲ្យមានផលប៉ះពាល់ធ្ងន់ធ្ងរ៕
