របស់៣យ៉ាង ហាម​ប៉ះពាល់​ពេល​កំពុងមាន​ផ្ទៃពោះ!

0

ការ​មាន​ផ្ទៃពោះ គឺជា​ដំណាក់កាល​ដ៏​ពិសេស​បំផុត​នៅក្នុង​ឆាកជីវិត​របស់​មនុស្ស​ស្រី​គ្រប់រូប ហើយ​វា​ក៏​ជា​ពេលដែល​ស្ត្រី​ត្រូវមាន​ការយកចិត្តទុកដាក់​ចំពោះ​ទង្វើ​មួយចំនួន​ផងដែរ បើ​ពុំ​ដូច្នោះ​ទេ​អាច​បង្ក​ឲ្យ​មាន​ផលប៉ះពាល់​ដល់​ទារក​ក្នុង​ផ្ទៃ។ ខាងក្រោម​នេះ គឺជា​របស់​ទាំង៣យ៉ាង​ដែល​ស្ត្រី​មាន​ផ្ទៃពោះ​គួរ​ជៀសវាង បើ​មិន​ចង់​ឲ្យ​កូន​ក្នុង​ផ្ទៃ​ជួប​គ្រោះថ្នាក់៖

ថ្នាំលាប​ពណ៌​សក់

ការសិក្សា​ជាច្រើន​បាន​បង្ហាញថា ថ្នាំលាប​ពណ៌​សក់​មាន​ផ្ទុក​សារធាតុ​គីមី​ជាច្រើន ដែល​អាច​ស្រូប​ចូល​តាមរយៈ​ស្បែកក្បាល​របស់​ស្ត្រី​មាន​ផ្ទៃពោះ ហើយ​អាច​បង្ក​ផលប៉ះពាល់​អាក្រក់​ដល់​ទារក​ដែល​មិនទាន់​កើត។

Related image

ថ្នាំលាបក្រចក

ថ្នាំលាបក្រចក ក៏​មិន​ខុសពី​ថ្នាំលាប​ពណ៌​សក់​ដែរ ដោយសារតែ​សារធាតុ​គីមី​របស់​វា​អាច​ស្រូប​ចូលទៅក្នុង​រាងកាយ​តាមរយៈ​គែម​ក្រចក ឬ​តាមរយៈ​ការ​ហិតក្លិន។ ប្រសិនបើ​ស្ត្រី​មាន​ផ្ទៃពោះ​ប្រើប្រាស់​ជា​ញឹកញាប់ អា​ចប​ណ្តោ​ល​ឲ្យ​បំផ្លាញ​សរីរាង្គ​មួយចំនួន​របស់​ទារក។

អាហារ​សមុទ្រ​ឆៅ

ស៊ូ​ស៊ី ជា​អាហារ​ដ៏​មាន​រសជាតិ​ឆ្ងាញ់ និង​ពេញនិយម​បំផុត​របស់​ជនជាតិ​ជប៉ុន ក៏ប៉ុន្តែ​វា​ជា​អាហារ​ឆៅ​ដែល​មិន​សមស្រប​សម្រាប់​ស្ត្រី​មាន​ផ្ទៃពោះ​ឡើយ។ ប្រសិនបើ​ត្រី​ប្រភេទ​នេះ​មាន​ផ្ទុក​បាក់តេរី វា​នឹង​ប​ណ្តោ​ល​ឲ្យ​អ្នក​ឈឺ ហើយ​កូន​ក្នុង​ផ្ទៃ​ក៏​ជួបនឹង​គ្រោះថ្នាក់​ដែរ។

បើ​យោងតាម​សមាគមន៍​ស្ត្រី​មាន​ផ្ទៃពោះ​អាមេរិក បាន​បង្ហាញថា ស្ត្រី​មាន​ផ្ទៃពោះ​គួរតែ​បរិភោគ​ត្រី​សមុទ្រ​ដែល​ចម្អិន​បាន​ឆ្អិន​ល្អ ព្រោះ​វា​មាន​សុវត្ថិភាព ជាពិសេស​ទទួលបាន​ខ្លាញ់​អូ​មេ​ហ្គា ៣ ដែល​ល្អ​សម្រាប់​ការអភិវឌ្ឍ​ទារក​មិនទាន់​កើត៕