ការឈឺចាប់បន្តិចបន្តួចអំឡុងពេលត្រីមានទីមួយ ជារឿងធម្មតានោះទេ ដោយសារតែស្បូនចាប់ផ្តើមពង្រីកខ្លួនបន្តិចម្តងៗ ដើម្បីផ្ទុកជីវិតថ្មីដែលកំពុងតែលូតលាស់។ ប៉ុន្តែបើសិនជាការឈឺចាប់កើតមានក្នុងត្រីមានទីពីរនិងទីបី វិញ អ្នកគួរតែប្រុងប្រយ័ត្ន ព្រោះវាអាចបណ្តោលមកពីបញ្ហាធ្ងន់ធ្ងរមួយចំនួន។
១.ការហូរឈាម ឬរមួលសាច់ដុំស្បូន
ប្រសិនបើការឈឺពោះ ហើយមានហូរឈាម ឬរមួលសាច់ដុំជុំវិញស្បូន វាជាសញ្ញានៃការរលូតកូន។ ដូច្នេះ ប្រសិនបើអ្នកដឹងខ្លួនថា កុំពុងតែមានបញ្ហាមួយនេះគួរប្រញាប់ទៅជួបគ្រូពេទ្យជាបន្ទាន់។
២.ឆ្លងមេរោគ
ប្រសិនបើក្នុងត្រីមាសទីមួយ ស្ត្រីតែងតែនោមញឹកខុសប្រក្រតី មានអារម្មណ៍រមាស់ក្នុងទ្វារមាសខ្លាំង និងឈឺពោះមិនព្រមបាត់ គួរតែប្រញាប់ទៅជួបអ្នកជំនាញដើម្បីរកវិធីដោះស្រាយភ្លាម ព្រោះវាជារោគសញ្ញានៃការឆ្លងមេរោគ។
៣.ស្បូនកំពុងមានបញ្ហា
ក្នុងករណីមួយចំនួន ការដាច់រហែកនៃជញ្ជាំងស្បូន ក៏អាចបណ្តោលឲ្យស្ត្រីមានអាការឈឺពោះដែរ ហេតុនេះត្រូវប្រញាប់ប្រញាប់រកជំនួយពីគ្រូពេទ្យជាបន្ទាន់។
៤.កូនបង្កកំណើតក្រៅស្បូន
ការបង្កកំណើតកូនក្រៅស្បូន ក៏ជាដើមហេតុដែលបណ្តោលឲ្យកើតមានអាការឈឺពោះ និងហូរឈាមដែរ ជាពិសេសនៅចន្លោះសប្តាហ៍ទី ៦ និងទី១។
៥.កូនកើតមិនគ្រប់ខែ
ករណីមួយទៀត ប្រសិនបើមានអាការឈឺពោះ ហើយស្បូនមានការកន្ទ្រាក់ខ្លាំងៗ នៅត្រីមាសចុងក្រោយនៃការមានផ្ទៃពោះ វាជាសញ្ញានៃការកើតមិនគ្រប់ខែ។
ដូច្នេះ ប្រសិនបើអ្នកសង្កេតឃើញអាការមិនស្រួលដូចអ្វីដែលបានបង្ហាញពីខាងលើ គួរតែប្រញាប់ស្វែងរកជំនួយពីគ្រូពេទ្យភ្លាម ដើម្បីបញ្ជៀសបញ្ហាបានទាន់ពេលវេលា៕
