៧ជំ​ហ៊ានងាយៗ ជួយ​ឲ្យ​ស្ត្រី​ជៀសផុត​ពី​បញ្ហា​ហើមជើង អំឡុងពេល​តាំង​គភ៌

0

ការ​មាន​ផ្ទៃពោះ គឺជា​ដំណាក់កាល​មួយ​ដែល​ស្ត្រី​ត្រូវ​ទទួលរង​នូវ​ការផ្លាស់ប្តូរ ទាំង​ផ្លូវ​អារម្មណ៍ និង​រូបរាងកាយ។ រយ:ពេល៩ខែ​នេះ ការផ្លាស់ប្តូរ​រូបរាង​ជាច្រើន​បានកើត​ឡើង រួមទាំង​ក្បាលពោះ​រីក​ធំ ឡើង​ទម្ងន់ សុដន់​ធំ​ជាង​មុន ស្បែក​លាតសន្ធឹង និង​ហើមជើង ជាដើម។ អាការ​ហើមជើង តែងតែ​កើតមាន​ចំពោះ​ស្ត្រី​មាន​ផ្ទៃពោះ​ជាច្រើន ដូច្នេះ​ដើម្បី​ជៀស​ផុតពី​បញ្ហា​ហើមជើង​អំឡុងពេល​មាន​ផ្ទៃពោះ គួរតែ​ធ្វើ​រឿង​អស់​ទាំងនេះ។

កុំ​ឈរ ឬ​អង្គុយ​យូរពេក៖ នៅពេល​មាន​ផ្ទៃពោះ អ្នក​គួរតែ​សម្រាក​ឲ្យ​បាន​ច្រើន ហើយ​ប្រសិនបើ​មានការ​ងារ​ទាក់ទង​ទៅនឹង​ការ​ឈរ ឬ​អង្គុយ​យូរ គួរតែ​ព្យាយាម​សម្រាក​ឲ្យ​បាន ៥នាទី​រៀងរាល់១ម៉ោង​ម្តង។ ការធ្វើ​បែបនេះ ដើម្បី​ជៀសវាង​ការប្រមូលផ្តុំ​នៃ​សារធាតុ​រាវ​នៅក្នុង​ជើង។

គេង​បែរ​ចំហៀង៖ ការ​គេង​បែរ​ទៅខាង​ឆ្វេង គឺជា​ទីតាំង​ដែល​ល្អ​បំផុត​សម្រាប់​ស្ត្រី​មាន​ផ្ទៃពោះ ព្រោះ​វា​អាចជួយ​រក្សា​តម្រងនោម​មិន​ឲ្យ​មាន​សម្ពាធ​ខ្លាំង កាត់បន្ថយ​ការបាត់បង់​កោសិកា និង​អាការ​ហើម​ផងដែរ។

ធ្វើ​លំ​ហាត់ប្រាណ​ទៀងទាត់៖ ការធ្វើ​លំ​ហាត់ប្រាណ​បាន​ទៀងទាត់​ដូចជា ការដើរ ឬ​ហែល​ទឹក អាច​រក្សា​លំហូរ​ឈាម​ទៅកាន់​សរីរាង្គផ្សេងៗបានល្អ ហើយ​ជួយ​បញ្ជៀ​ស​ការប្រមូលផ្តុំ​សារធាតុ​រាវ​នៅក្នុង​ជើង​ថែមទៀត។

កុំ​ពាក់​ស្រោមជើង​តឹង​ណែន​ខ្លាំងពេក៖ ការពាក់​ស្រោមជើង​តឹង​ណែន​ខ្លាំងពេក អាចធ្វើ​ឲ្យ​លំ​លូត​ឈាម​ត្រូវ​កកស្ទះ និង​អា​ចប​ណ្តោ​ល​ឲ្យ​មាន​ការឈឺ​ចាប់ជើង ព្រមទាំង​ខ្នង បាន។ ដូច្នេះ កុំ​ព្យាយាម​ពាក់​ស្រោម​ជ្រើន​តឹង​ណែន​ឲ្យ​សោះ ហើយ​ប្រសិនបើ​នៅផ្ទះ​វិញ​អ្នក​ពុគ​គួរ​ពាក់​ឡើយ។

ផឹកទឹក​ឲ្យ​បាន​ច្រើន៖ ការផឹក​ទឹក ៨ទៅ១០កែវ ក្នុង​មួយថ្ងៃ​អាចជួយ​បំបាត់​ជាតិ​កាល់ស្យូម និង​កាកសំណល់​ដទៃទៀត ដែលជា​ដើមហេតុ​ប​ណ្តោ​ល​ឲ្យ​ហើមជើង។

ជៀសវាង​ពាក់​ស្បែកជើងកែងចោទ៖ ការពាក់​ស្បែកជើងកែងចោទ​មិនមាន​សុវត្ថិភាព​នោះទេ ព្រោះ​អាច​អាចធ្វើ​ឲ្យ​ជើង និង​ខ្នង​មានការ​ឈឺចាប់​កាន់តែខ្លាំង។ យក​ល្អ​គួរតែ​ជ្រើន​រើស​ទ្រនាប់ជើង​ដែលមាន​បាត​រាបស្មើ ហើយ​ទន់​ស្រួល​ពាក់ ទើប​មិន​ធ្វើ​ឲ្យ​ជើងមាន​ការឈឺចាប់ និង​ហើម។

កំណត់​ការទទួល​ទាន​អំបិល៖ ការកំណត់​ការទទួល​ទាន​អំបិល​ច្រើនពេក អា​ចប​ណ្តោ​ល​ឲ្យ​អវយវៈ​មួយចំនួន​ឡើង​ហើម ជាពិសេស​ជើង។ ដូច្នេះ នៅពេល​កែច្នៃ​អាហារផ្សេងៗ អ្នក​ពុំគួរ​ប្រើ​អំបិល​ច្រើនពេក​នោះទេ សូម្បីតែ​ទឹកត្រី ឬ​ទឹកស៊ីអ៊ីវ ក៏​គួរតែ​កាត់បន្ថយ​ផងដែរ៕