តាមដំបូន្មានអ្នកជំនាញផ្នែកវេជ្ជសាស្ត្របានបង្ហាញថា ចម្រុះដែលហូរឈាម គឺជាយន្តការធម្មជាតិ បញ្ហានេះកើតឡើងដោយសារតែជំងឺផ្តាសាយ ការឆ្លងមរោគប្រហោងឆ្អឹងច្រមុះ បញ្ហាអាឡែស៊ីច្រមុះ ឬចម្រុះស្ងួតជាដើម។ ដូច្នេះ អាការៈមួយនេះមិនមែនជាសញ្ញាគ្រោះថ្នាក់ឡើយ សម្រាប់ស្ត្រីមានគភ៌។
តើត្រូវដោះស្រាយដូចម្តេចពេលហូរឈាមតាមច្រមុះ?
១.អង្គុយ ឬឈរឲ្យត្រង់ខ្លួន ដើម្បីរក្សាសម្ពាធសរសៃឈាមក្នុងច្រមុះ និងបញ្ឈប់ការហូរឈាមបន្តិចម្តងៗ។
២.ប្រើមេដៃ និងដៃចង្អុលច្របាច់ច្រមុះរយៈពេល ១០នាទី ដោយស្រូបខ្យល់តាមមាត់បណ្តោះអាសន្នសិន។
៣.យកទឹកកកមកស្អំនៅលើខ្នង ក ឬថ្ងាស ដើម្បីធ្វើឲ្យឈាមឆាប់កក។
៤.បន្ទាប់ពីច្របាច់ច្រមុះ១០នាទី ត្រូវពិនិត្យមើលថា តើការហូរឈាមឈប់ឬក៏អត់? ប្រសិនបើវានៅតែមិនឈប់សូមព្យាយាមម្តងទៀត។
អ្វីដែលអ្នកម្តាយគួរប្រុងប្រយ័ត្នពេលកំពុងហូរឈាមតាមច្រមុះ
១.ជៀសវាងឱក្បាលចុះក្រោម ព្រោះវាអាចធ្វើឲ្យអ្នកលេបឈាមចូលដោយចៃដន្យ ហើយអាចមានអាការៈចង្អោរ និងក្អួតដោយងាយ។
២.ពិសារទឹកឲ្យបានច្រើន ដើម្បីបំពេញជាតិទឹកក្នុងរាងកាយបានគ្រប់គ្រាន់។
៣.លាងសម្អាតច្រមុះចេញបន្ទាប់ពីការហូរឈាមត្រូវបញ្ឈប់ ដើម្បីកាត់បន្ថយការឆ្លងមេរោគច្រមុះ។
ប្រសិនបើការហូរឈាមរួមជាមួយអារម្មណ៍ហត់នឿយ វិលមុខ រាងកាយស្លេកស្លាំង ឈឺដើមទ្រូង សូមប្រញាប់ទៅពិគ្រោះជាមួយគ្រូពេទ្យជាបន្ទាន់៕